Video
Read full review
2010-06-16
18 views
4年1度世界杯，香港人火鍋送世杯係已成習慣，日本菜都要讓一讓！就因為就腳加上有電視機直播，毫無考慮即衝入去座定定，然後眼定定，再咀 "郁郁"，世界杯指定動作又黎喇！ 冬瓜雞粒湯底：清清地，唔想太熱氣，ok 既！ 本色極品手切牛 (大)：果然係3粒星推介，肉質鮮嫩，必食之選！ 竹筒墨魚滑拼蝦滑：味道平平，無深刻印象！ 自製韭菜餃拼自製雲吞：韭菜餃係兩粒星推介，可惜真係未到家，果 "涵" 死實實，而雲吞個 "涵" 同樣死實實，味道同樣一般。 混合丸：經過分析，應該由幾款唔同手打丸類續一混合而成。味道經混合後另有一種風味，雖然分辨唔到唔同丸既食味，但質地好有彈性，值得一試！ 絲瓜、鮮木耳：新鮮、爽口好味道！ 炸釀油炸鬼：以為一定油 "淋淋"，點知又唔覺特別油。油炸鬼切開邊後用花胶釀上，將花胶果邊放落湯淥一淥，數分鐘就食得，而油炸鬼又保持咸香味，好味又有新鮮感！ 皇帝菜：响香港既皇帝菜一般賣相都麻麻，但當晚既算好靚女，顏色青翠、莖又夠粗身，難怪差唔多每枱都有一籃。食落果然同賣相一樣對辦。是晚係Asahi 做推廣，3個人一共飲左6罐1公升，齋啤酒都二百幾蚊，計落可以食多一碟本色品手切牛(大)，不
冬瓜雞粒湯底：清清地，唔想太熱氣，ok 既！
本色極品手切牛 (大)：果然係3粒星推介，肉質鮮嫩，必食之選！
竹筒墨魚滑拼蝦滑：味道平平，無深刻印象！
自製韭菜餃拼自製雲吞：韭菜餃係兩粒星推介，可惜真係未到家，果 "涵" 死實實，而雲吞個 "涵" 同樣死實實，味道同樣一般。
混合丸：經過分析，應該由幾款唔同手打丸類續一混合而成。味道經混合後另有一種風味，雖然分辨唔到唔同丸既食味，但質地好有彈性，值得一試！
絲瓜、鮮木耳：新鮮、爽口好味道！
炸釀油炸鬼：以為一定油 "淋淋"，點知又唔覺特別油。油炸鬼切開邊後用花胶釀上，將花胶果邊放落湯淥一淥，數分鐘就食得，而油炸鬼又保持咸香味，好味又有新鮮感！
皇帝菜：响香港既皇帝菜一般賣相都麻麻，但當晚既算好靚女，顏色青翠、莖又夠粗身，難怪差唔多每枱都有一籃。食落果然同賣相一樣對辦。
是晚係Asahi 做推廣，3個人一共飲左6罐1公升，齋啤酒都二百幾蚊，計落可以食多一碟本色品手切牛(大)，不過無得咁樣計喎！
環境：一般新式火鍋店設計，地下面積唔算大，呈長方形，大約密密麻麻放左7-8張小至中形枱，而電視機有3部，足以應負客人睇波需要。
服務：可以既，但侍應哥哥如果主動d會更好啦！
Post
