Video
Read full review
2009-12-29
4 views
又到一年一度的聖誕節，正要找地方與朋友聚聚，朋友介紹這間食泰國菜的 “泰屋 SAWADEE THAI”，朋友話食過一次，可以坐得舒服，食物OK，價錢合理，所以就決定一齊去試吓。因為是平安夜，故要分上下場食，我們選了食下場8:30PM至11:00PM，入到去環境幾好，而且佢比咗張最入面的單邊枱比我哋，可以比我哋慢慢食。我哋一共七個人叫了以下菜色:1.鐵板煎蠔仔蛋: 味道幾好，蠔仔無腥味，不過煎得乾咗，無蛋汁流出來。2.黃咖喱牛筋腩 + 洋蔥和蒜茸烤餅: 好大碗的咖喱，有牛腩、牛筋、薯仔和洋蔥，牛腩同牛筋都好冧，咖喱唔辣，妤香椰奶味，烤餅香噴噴的，熱騰騰的，大大塊的，配合咖喱汁食，真是一流，好味!!3.炸蝦餅: 蝦餅彈牙，有咬口同香脆，可以一試。4.蜜糖鐵板排骨: 味道有點怪，個汁好酸，唔似有蜜糖，肉排有雪味，而且個鐵板熱都唔熱。5.干炒泰式金邊粉: 金邊粉炒得覺得好乾身唔會太油，都幾野味同好味。6.印尼海鮮炒飯: 炒飯都OK，有多款海鮮，不過比較普通。7.南瓜海鮮炒飯: 南瓜炒飯的賣尚好吸引，但是味道一般，炒飯的材料同印尼炒飯一樣。8.泰式翅: 用料充足，真材實料，有不少魚翅，味道也不錯
因為是平安夜，故要分上下場食，我們選了食下場8:30PM至11:00PM，入到去環境幾好，而且佢比咗張最入面的單邊枱比我哋，可以比我哋慢慢食。
我哋一共七個人叫了以下菜色:
1.鐵板煎蠔仔蛋: 味道幾好，蠔仔無腥味，不過煎得乾咗，無蛋汁流出來。
2.黃咖喱牛筋腩 + 洋蔥和蒜茸烤餅: 好大碗的咖喱，有牛腩、牛筋、薯仔和洋蔥，牛腩同牛筋都好冧，咖喱唔辣，妤香椰奶味，烤餅香噴噴的，熱騰騰的，大大塊的，配合咖喱汁食，真是一流，好味!!
3.炸蝦餅: 蝦餅彈牙，有咬口同香脆，可以一試。
4.蜜糖鐵板排骨: 味道有點怪，個汁好酸，唔似有蜜糖，肉排有雪味，而且個鐵板熱都唔熱。
5.干炒泰式金邊粉: 金邊粉炒得覺得好乾身唔會太油，都幾野味同好味。
6.印尼海鮮炒飯: 炒飯都OK，有多款海鮮，不過比較普通。
7.南瓜海鮮炒飯: 南瓜炒飯的賣尚好吸引，但是味道一般，炒飯的材料同印尼炒飯一樣。
8.泰式翅: 用料充足，真材實料，有不少魚翅，味道也不錯，而且都算抵食之選，一小煲，可分五碗，只是$118。
9.星州咖哩炒蟹: 炒蟹是本人最喜歡的一道菜，咖喱汁加了蛋花同蟹膏，咖喱看甜味美，而且不辣，最舒合一些怕辣，有喜歡吃咖喱的朋友，蟹都好鮮美，配合烤餅或白飯，又是另一絶配。
總括來說，食物的賣尚及味道都不錯，環境舒適，員工服務態度都好好，不停為我哋添水及收菜，招呼我哋個位姐姐還介紹菜色比我哋，又為我哋換碟，服務好周到，而且價錢合理，一個人大概$100左右，不過，我哋平安夜有每人最低消費$150，所以叫多咗兩個餸，不過平安夜都算合理，一眾朋友都食得好開心，係可以再食之選!!
Post
