Video
Read full review
2021-12-28
184 views
朋友幸運地抽到平安夜演唱會飛，我就成為被邀請一齊睇嘅幸運兒🤭。但要喺大時大節當日預訂餐廳真係一個困難呀~西餐日本餐一早滿座，最後用openrice碌到呢間印度餐廳，難得仲接受網上訂位，即刻㩒左先😆。 餐廳喺金馬倫道樓上鋪，Royal blue嘅主題顏色令我以為自己去錯歐洲餐館，感覺好decent😳。 晚上7點左右，我地係第一檯客，侍應好熱情招待，而且餐廳一直播住聖誕歌，好有氣氛🥳。直到8點左右陸續滿座，入面有一半係印度人，其餘都有唔少香港本地人幫襯。 ❤ Christmas welcome drink（$0）店員話呢個係聖誕節送嘅無酒精特飲， 細細杯紅色有氣飲品，加上新鮮薄荷葉，味道甜甜地，真係令人感到驚喜同愉悅呀☺️。 ❤ Dahi Golgappe（$68）網上介紹呢個係印度好受歡迎嘅街頭小食，所以就嗌一個試試~ 外層係薄脆波波，波入面大概一半係薯仔，然後有少量洋蔥，其餘空間注滿酸辣醬同乳酪醬汁，一口咬落去首先係香脆酸辣嘅味覺衝擊，然後係薯仔嘅軟綿感覺，係好開胃嘅一款小食。不過食嘅時候要小心，因為好容易爆汁🤣。 ❤ Fried Prawns （$78）一上檯其實睇唔出係蝦，因為醬汁太
餐廳喺金馬倫道樓上鋪，Royal blue嘅主題顏色令我以為自己去錯歐洲餐館，感覺好decent😳。 晚上7點左右，我地係第一檯客，侍應好熱情招待，而且餐廳一直播住聖誕歌，好有氣氛🥳。直到8點左右陸續滿座，入面有一半係印度人，其餘都有唔少香港本地人幫襯。
❤ Christmas welcome drink（$0）
店員話呢個係聖誕節送嘅無酒精特飲， 細細杯紅色有氣飲品，加上新鮮薄荷葉，味道甜甜地，真係令人感到驚喜同愉悅呀☺️。
❤ Dahi Golgappe（$68）
網上介紹呢個係印度好受歡迎嘅街頭小食，所以就嗌一個試試~ 外層係薄脆波波，波入面大概一半係薯仔，然後有少量洋蔥，其餘空間注滿酸辣醬同乳酪醬汁，一口咬落去首先係香脆酸辣嘅味覺衝擊，然後係薯仔嘅軟綿感覺，係好開胃嘅一款小食。不過食嘅時候要小心，因為好容易爆汁🤣。
❤ Fried Prawns （$78）
一上檯其實睇唔出係蝦，因為醬汁太多😆，但聞到好香嘅蒜蓉味。蝦都幾大隻，外面煎過，肉質彈牙，伴隨蒜蓉粒粒真係有層次又好香口。
❤ Chicken Koma（$128）
黃咖喱雞，咖喱只係少辣，容易入口，而且有比較重嘅椰香味，質感亦都較為creamy。雞肉都唔少，雞胸同雞腿部位加埋有4~5件。
❤ Butter Naan（$38）
牛油味好重，但係又唔油膩，熱辣辣咁而且外層脆脆地，點咖喱汁食味道好夾。 所以最後嗌多左一份食🤭。
❤ Tequilla Sunrise（$78）
幾Fresh同好大杯嘅cocktail，橙味同龍舌蘭酒味都好濃郁，有夏天熱情嘅感覺🍹。下次要試下埋佢嘅特色飲品Mango Lassi先。
Openrice訂座埋單仲有8折，真係好抵，值得再黎😚。
Post
