柴門西餐廳

Open Now

Now Closed

2022年情人節仍然無堂食。對上一次平安夜食過柴門嘅紅蝦念念不忘，雖然今次無紅蝦金但係有大虎蝦，好！今次再追加生蠔！原本都諗緊外賣生蠔得唔得㗎，不過店方表示會到取先即開。個蠔係自己喜歡嘅質地同味道。今次試吓個燉湯，入面原來有原粒大瑤柱，遮哂成個湯羹，雖然係外賣，不過自己返熱咗飲，感覺好養生。主菜大虎蝦煎得好香多膏，配龍蝦汁闊條麵，滿滿嘅蝦油香。煎焗豬鞍架軟熟有肉汁，原來諗住肉扒外賣應該都會乾哂，在家食有個好處，可以慢慢㗳埋條豬鞍骨。