Ebeneezer's Kebabs & Pizzeria (Closed)

話說平安夜出黎食飯，自助餐一早已經訂滿。唔知食咩野既情況下，就黎左亞士厘道覓食。記得有個fd介紹呢間食卡巴既餐廳，上次食卡巴都唔知幾耐前既事。希望可以搵番呢種味道。七點半到，已經有小小既人龍。而經理為左客人既著想，會幫我地落單。而且仲會介紹佢地既招牌菜，同我地有講有笑。態度真係唔錯。芝士薯條一食就食得出唔係新鮮既，不過有我最愛的扭紋薯條，已經唔錯啦。橙色既醬係辣汁，而綠色既係乳酸汁。雖然兩隻汁好似唔係好夾，但溝黎食又幾夾。而且芝士既份量都幾多，可以拉到一絲絲咁長。美味非常，不過要趁熱食，唔係就會食到好漏。羊肉卡巴對呢個滿心期待，當然呢個唔會令我失望。因為個卡包肉汁好豐富，而且羊肉無羶味。此外，我特登叫佢整個最辣既俾我食。食落去真係百般辣味在心頭，但過左一陣又無野既。呢種辣係幾過隱架，嚐辣既可以一試。芒果奶昔呢個係解辣首選，飲落去覺得有好大陣既芒果味。而且味道都幾濃，又唔算太甜同夠大杯。無乜野可以挑剔啦。呢餐都唔差，都係一百蚊多。平安夜搵到間餐廳度過平安既一刻，都算係唔錯既選擇。