Cocina 3 Tapas Restaurant & Bar (Closed)

呢個星期發生太多事，特別係好多唔開心嘅事，所以今日平靜返d就同朋友一齊放工去食餐飯，其實係呢啲風雨飄搖嘅日子，簡簡單單食個飯已經係一種幸福。去咗奧海城呢間西餐廳，佢又有pizza同普通意粉個d，但又少見d 嘅西班牙tapas同法式菜，係一間有好多種唔同種類食物嘅西餐廳。一坐低佢就會畀啲墨西哥片你嘅，收咗40蚊nuts錢， 我估係可以唔要嘅。我哋嗌咗一個蘑菇parma ham嘅pizza，佢 parma ham因為真係好薄嘅關係，就唔係好鹹嘅，反而d蘑菇係好香，放落嚟嘅時候係有陣香味！跟住仲叫咗西班牙炒飯，但係一放落嚟我真係忍唔住講一句「咁大份嘅！」佢完全係大過我哋expect嘅！係有成四人份！但事後諗番都係啱嘅，因為佢個價錢係268蚊，咁其實如果係飯麵嚟講，應該唔洗咁貴，所以佢係大份先係呢個錢，但我哋order 個時冇諗咁多，結果完全食唔曬 仲叫咗呢個法式焗田螺， 所以你明白點解我哋兩個人完全食唔曬，呢碟仲要係有好大兜嘅薯蓉呢個一定係即刻整嘅，因為都等咗比較耐嘅時間。雖然田螺肉係好入面，但係佢呢係醃咗，整咗味，所以好好食 誠意推介！