Gusto - Taste Italian (Closed)

呢間餐廳好顯眼，去親尖東都經過，睇外表好似係食比較傳統嘅意大利菜。今次好晏先嚟食飯，所以餐廳人唔多，座位仲幾闊落。招牌海鮮拼盤 $288有小龍蝦，青口，蜆，螺，蝦，帶子同我最鍾意食嘅生蠔；青口，蝦同螺都好肥美， 生蠔唔算好大隻，不過好新鮮好有海水味😋😋呢個價錢有齊咁多款海鮮幾超值💯紐西蘭羊肉丸串燒 $178呢個賣相好靚，之前怕羊肉好羶，但又唔係喎，可能已經去除d脂肪，羊肉煮得好嫩，沙律菜好新鮮，個沙律醋仲甜甜哋好夾好好味👍黑松露蘑菇芝士燴意大利飯 $188呢個飯我好鍾意，因為啲飯軟硬度啱啱好，仲勁多蘑菇，黑松露味又好重，呢個好高質，讃👍呢個價錢咁嘅環境同食物質素，喺尖沙咀都算唔錯。