越滿 (Closed)

旺角越式餐廳唔少，呢間算係幾多好評，所以過黎試下。裝潢都幾靚，同行嘅小朋友都好鍾意，而且仲會有越南音樂聽因為係平日午市時間黎到，最抵梗係食set lunch啦，其實同餐牌價錢差唔多，但會多左餐飲同小食。蒜香牛柳粒飯豬頸肉炒飯以上兩個飯都係一般，牛柳粒份量幾多，但唔算嫩滑。豬頸肉幾香唔韌，但炒飯就有D乾。蝦餅撈檬食越菜最鍾意就係撈檬，係一個相當安全嘅選擇，呢度嘅蝦餅炸得好脆又有蝦嘅香味，好好食～生牛肉河粉越南河粉真係冇得彈，地道嘅湯底，送上枱后無幾耐牛肉先浸熟，所以仲好滑好好食。我地食完仲要encore兩個先夠本，最后5個人嗌左7個餐同場加映：滴漏咖啡午市真係好抵食，附近返工嘅人可以黎試下。