泰廚房子 (德福廣場1期)

Open Now

Now Closed

今日忽然好想食辣野🌶，提到辣野🌶自然就諗起泰國🇹🇭菜，所以就揀咗呢間泰廚房子嚟試下，雖然卜 menu 寫要2點半🕝先開始有下午茶供應，但我地2點🕑入座時店員姐姐🧒🏻已經畀下午茶☕️我地叫喇，下午茶款式同午餐唔太一樣，慳家嘅我最後梗係叫下午茶餐啦！青咖哩豬扒🐷飯：一上碟時大家都畀綠到有啲螢光💚嘅青咖哩嚇咗一跳，好彩食落係正常嘅咖哩味，而且豬扒🐷足足有一隻半手掌🖐🏻咁大，薄薄一塊炸得好香好鬆化，不過汁就略嫌唔夠送飯🍚食，食到一半要麻煩店員姐姐🧒🏻加碗汁，整體嚟講都味道唔錯😋亦都好抵食。冬蔭功雞絲🐔金邊粉🍜：先嚟試飲個湯但咸味十足，辣味🌶就不足，雞絲🐔比較大條，配料有草菇、芫荽、豆芽，金邊粉食落有啲硬身，食完一碗都覺得未夠飽，但以下午茶嚟講份量已經算足了。