Lucky Ristorante (Closed)

同個朋友響旺角嗰邊做完嘢，就走咗去附近搵嘢食，一邊彈奏一邊走咗去睇野，結果行咗去旺角618 ，咁就直接諗住響嗰度搵啲嘢食吓算數，跟住睇吓水牌之後見到有呢間餐廳就諗住即管上去試吓。去到個環境都還算幾好嘅，時間方面可能過咗高峰期，所以都唔算好多人，唔使等位。朋友就叫咗個花之戀班尼狄蛋，我就叫咗個美國BBQ醬燒豬仔骨薯格。個班尼狄蛋嘅份量都算唔錯，亦都做到嗰種流心蛋嘅感覺，不過係食落去嗰陣時有少少論盡。豬仔骨都算OK，主要係個BBQ醬真係幫到手，反為估唔到個薯格炸得幾脆幾香口。