PizzaExpress (康怡廣場北座) (Closed)

樓底極高，深木色主調配色彩繽紛的大壁圖，而聘請了不少外籍店員，經理員工制服四正年輕醒目，服務有禮有效率，又有些外國客，像置身外國餐廳一樣。叫咗二人餐，加一後大約$300，有一個前菜、一個沙律、一個pizza或意粉，再加餐飲。後來發現其實四人餐抵好多，多$200左右有多一個前菜同多兩個main, 下次都係叫多兩個朋友先幫襯另外依家做緊優惠，逢星期二四用即日電影票尾主菜買一送一(其他分店都有)，好抵!上菜比較慢，而且我哋係先上沙律再上前菜，感覺怪怪的。忌廉磨菇醬汁好濃稠，菇味濃。沙律分量都幾大，Olive味太重，個人不太喜歡。餅底夠薄，有炭香味，邊位脆中間位有少少濕。蕃茄醬多，整體辣度都幾高。可能澱粉質多，食完好飽。