好媽媽台灣館 (Closed)

原本係去隔離金鳳食飯，不過就勁多人等位，咁又趕時間返工，所以去左呢間食個快餐。第一次來呢度食飯，印象都唔差，一個人有卡位坐，唔駛同其他人搭抬坐，舒服😌睇個餐牌，午市便當都好抵食啵，仲有學生優惠價，岩晒附近返學的生哥。我就左A餐 “台灣腸炒飯”，仲包埋杯野飲，抵食👍🏻雖然個炒飯看似好簡單，不過要炒得好食，呢間都算炒得唔差，起碼唔會炒得太乾，亦都唔會炒得太濕到一pat野咁，配合埋台灣腸一起炒，好食呀😋套餐仲可以加錢追加小食，我就加左花枝丸，不過麻麻地勒，外熱入面仲有啲凍，可以不用加。套餐加埋杯野飲，$30幾蚊算不錯的選擇👍🏻