藤 (Closed)

依家旺角開多左好多食壽司既地方， 籐就係其中一間！ 試左呢個藤set（$328），有我幾鐘意既白子，壽司有池魚、鰹魚、帶子、牡丹蝦、銀雪魚等8款壽司，樣樣都係時令，而且成個架都幾岩打卡，仲有兩款甜品同湯，睇落好似好少野，但食落都夠飽，同埋呢個價位黎講都算貼地。我地當日仲食左藤の特上壽司盛合，就有深海池魚、日本真鯛、油甘魚腩等，由淡味至濃味油份高既魚類都有，少少地都有食緊omakase 既感覺！仲叫左吉列炸蝦反卷，大大舊而炸蝦都係脆身又多蟹籽，都幾正！