愛家國際餐飲 (Closed)

午市套餐，三餸一湯，仲有紅米嘅飯，才$50，好抵呀！不過，啲"肉"係假嘅，係素肉，今日專登為年初一二三四，食餐素，清一清個胃。位於一間極舊嘅大廈１樓，前門樓梯好窄，後門嘅升降機係要拉門嘅。入到去，見到好多素/有機產品，包括素狗糧/有機果仁。街景好開揚，對住條大街，見到大有廣場。食物味道，適合清茶淡飯人士，如果食慣重口味就會覺得淡少少。食肉獸最想知啲肉似唔似真肉，嗯... 三餸其中一個叫咗個西檸豬扒，汁夠味但傑咗少少，而塊豬扒就明顯唔係豬扒。我唔知道食齋嘅人會唔會覺得好似，但我食肉嘅人就覺得唔似。不過總括而言，OK。