Video
Read full review
2023-09-25
3275 views
潮洲菜老字號，酒樓地方好大，唔迫夾，但環境嘈雜，人手不足，中午12點半燒賣已經售罄，唔知係因為餐廳準備不足，還是用餐當日個別情況。《$1380 午市自選套餐-六位》套餐包點餐紙上4款小菜+6款點心《滷水鵝肉拼盤》⭐聞說佳寧娜既滷水膽已經超過40年歷史，今日一試，滷水味幾香，但唔濃。材料唔知係咪滷得太短時間，唔太入味，豆腐色水仲係白雪雪。鵝肉嫩滑，肥瘦適中。但以開左幾十年既潮州菜來講，不太合格。《香煎蠔仔烙》⭐⭐唔同平時係街食既炸蠔餅，餐廳將蠔餅煎香。上枱時服務員會幫手切塊，食落似蛋餅既感覺，蠔仔算多又大粒，但個人黎講比較鐘意有酥脆感既炸蠔餅多一點。《香酥芋茸鴨》⭐⭐份量好大份，芋茸包鴨肉再拎去炸，入口超酥脆。但芋茸本身好飽肚，加上炸完油炸感好重，食一小件已經覺得好油膩。《普寧炸豆腐》⭐️⭐️又係特色既潮洲菜，將普寧豆腐炸到酥脆，再點特製既韭菜鹽水，既為豆腐加添咸味，更可以降低燥熱感。餐廳呢道炸豆腐，唔會好大陣油益味，又唔會炸到乾哂，不過不失。《佳寧娜蝦餃皇》⭐⭐⭐⭐蝦餃入面既蝦好大隻，而且蝦肉新鮮彈牙，外皮唔會太厚，幾高分。《香煎韮菜㷄》⭐⭐⭐我想像中既韮菜㷄偏向似水晶餃咁，有晶瑩剔透透明
《$1380 午市自選套餐-六位》
套餐包點餐紙上4款小菜+6款點心
《滷水鵝肉拼盤》⭐
聞說佳寧娜既滷水膽已經超過40年歷史，今日一試，滷水味幾香，但唔濃。材料唔知係咪滷得太短時間，唔太入味，豆腐色水仲係白雪雪。鵝肉嫩滑，肥瘦適中。但以開左幾十年既潮州菜來講，不太合格。
《香煎蠔仔烙》⭐⭐
唔同平時係街食既炸蠔餅，餐廳將蠔餅煎香。上枱時服務員會幫手切塊，食落似蛋餅既感覺，蠔仔算多又大粒，但個人黎講比較鐘意有酥脆感既炸蠔餅多一點。
《香酥芋茸鴨》⭐⭐
份量好大份，芋茸包鴨肉再拎去炸，入口超酥脆。但芋茸本身好飽肚，加上炸完油炸感好重，食一小件已經覺得好油膩。
《普寧炸豆腐》⭐️⭐️
又係特色既潮洲菜，將普寧豆腐炸到酥脆，再點特製既韭菜鹽水，既為豆腐加添咸味，更可以降低燥熱感。餐廳呢道炸豆腐，唔會好大陣油益味，又唔會炸到乾哂，不過不失。
《佳寧娜蝦餃皇》⭐⭐⭐⭐
蝦餃入面既蝦好大隻，而且蝦肉新鮮彈牙，外皮唔會太厚，幾高分。
《香煎韮菜㷄》⭐⭐⭐
我想像中既韮菜㷄偏向似水晶餃咁，有晶瑩剔透透明既㷄皮，但餐廳呢款似煎韮菜餅多一點，外皮白色實心似生煎包包皮，唔知係咪我少接觸所以唔識🤣 但食落係普通煎韮菜餅既味道，正正常常。
《爆汁蠔仔餃》⭐⭐⭐⭐
蠔仔餃一碟4隻，外型似炸餃子，配泰式辣醬食用。咬入口蠔仔好多，而且真係有爆汁既感覺，幾好食。
《叉燒腸粉》⭐⭐
都係正常酒樓水平，叉燒唔算特別多，腸粉皮算厚但可接受。
《鮮蝦腐皮卷》⭐⭐
,一份有3條，每條切半可以分成6小件。都係食到彈牙鮮蝦，酥脆，但食落成口油令人好有負擔。
《$42 陳皮牛肉球》⭐⭐
食唔出陳皮味，反而莞茜味幾重，正常酒樓牛肉球水平。
《$48 白灼菜苖》⭐⭐
普通白灼菜心，新鮮冇渣，可點蠔油增加鮮味。
《$160 糖醋伊麵》⭐⭐⭐⭐
望落好似將童星點心麵煎成一個圓形麵餅咁，將炒麵雙面煎香，再配白糖和醋食用，相當開胃。
人均消費：$300
環境：6/10
食物：6/10
服務：7/10
性價比：5/10
整體：5.5/10 潮洲菜老字號
佳寧娜潮州菜
灣仔告士打道151號資本中心1樓
#香港 #美食 #香港美食 #九龍 #foodie #食評 #finedining #掃街 #灣仔 #潮洲 #潮洲菜 #老字號 #佳寧娜 #酒樓 #點心 #蝦餃 #滷水
#鵝片 #飲茶 #腸粉 #牛肉球
Post
