Sogno Gelato (Closed)

佢係深黃店，最近好出名，不講我食野一向只睇質素唔理立場，試過先知好定壞。好應節，萬聖節有特別口味。就咁睇落啲色好啞色冇乜吸引力，全部都係普普通通嘅味道，睇左好耐好耐，最後揀左特別口味南瓜朱古力。朱古力味超濃，南瓜味我真係食唔到，如果只講味道嘅，佢係合格，不過不失，係好基本嘅黑朱古力味。嗯……呢個雪糕的確係好味，但真係冇乜大特別，冇咩大驚喜咁，同埋舖頭喺荃新天地第二期，人流比較疏落。如果有得揀都係揀返荃灣廣場嗰間。