麺屋武蔵虎洞 (青衣城) (Closed)

赤豚角拉麵🍜：呈上湯底好油，紅而不辣，完全吾夠味，反而有點淡口。塊紫菜浸左落湯到變得好油膩，豚角不過不失，半肥半瘦，食得出有層次。溏心蛋吾錯，麵條都夠彈牙，剛剛好。煎餃子🥟：外皮看似好脆，但食落竟然焾曬的，但肉餡好足，好香，吾洗蘸醬都夠味。炸芝士球：無得輸！ 新鮮熱辣辣炸起，包裹著水牛芝士，做到拉絲效果，炸粉漿係混上糖粒，食落甜甜地，邪惡但好味。炸烏賊🦑：圖片真係只供參考，圖中看似好大， 但點知得幾舊同份量小。雖然係熱辣辣，但紫菜包著烏賊吾係咁夾，烏賊有陣腥味。總結：拉麵質素麻麻 小食出色但不會再光顧 物不所值