たまご園 (北角匯) (Closed)

當日行勻北角兩個人諗唔到食咩，隔離Pizza Express又大排長龍。見到隔離依間賣相唔錯，就入去食下啦，加上佢啱啱開業嘅時候食過一次甜品冇食正餐印象唔錯。咁當日我就拎住杯手搖入去嘅，咁我都乖冇開同冇飲嘅。點知個操口音嘅男侍應就已經態度惡劣衝過黎話依到唔比飲其他嘢。其實我都冇開始過飲，加上好明顯係有更加禮貌嘅說法嘅。咁就叫嘢食啦，我地就叫咗三樣嘢食啦，一，玉子燒，二，海鮮蛋包飯同吉列豬滑蛋飯。玉子燒就一如既往咁好食啦，但係其餘兩碟嘅，可以話除咗蛋同豬排之外嘅所有嘢都係一文不值。先講讚嘅，蛋香濃郁，個豬排都啱啱好唔好太多炸漿同炸太耐。到彈，個飯原本想講下佢係咪用日本米，發現已經係煮太耐煮到一pat嘢糊仔咁已經係不能辨認，其次係啲海鮮，啲魷魚硬到香口膠咁，啲帶子又老又霉。之後拎餐具係仲有污漬嘅。到埋單嗰陣我地講埋單無人現我地，第二次再講，佢就指住門口嗰到自己出去埋呀。依到真係UCC價錢澳牛服務兩餸飯質素加隻靚蛋。唔怪得附近幾層餐廳全部要等位，得佢依間唔洗。