達人包車 (Closed)

今日放假，夜晚就同朋友去尖沙咀食飯。本身想食嘅兩間餐廳都唔接walk in客，所以就求其係韓國街揾咗間餐廳醫肚。 達人包車環境舒服，坐嘅空間都算大，適合一大班朋友黎，但食物價錢就偏貴，而且味道麻麻。🌟前菜 (免費)一坐到入黎，店員好快就上咗前菜。有1)醃蘿蔔青瓜: 酸甜酸甜脆卜卜幾開胃 2)粟米彩椒沙律: 撈咗沙律醬嘅粟米同彩椒，正常味道 3)泡菜: 我覺得係屬於偏鹹嘅泡菜🌟達人燒肉拼盤 ($320)見到餐牌張圖幾吸引，望落同係韓國食嘅差唔多，所以就叫咗黎試。點知黎到，個爐係唔包埋個湯，湯另外放。不過都唔影響食嘅，只係圖文不符咗啲。啲肉係無醃到，直接用牛油煎，好彩無乜肉膻味，都叫ok，同俾嘅肉都算多。職員會幫你燒埋同剪好啲肉，就唔洗自己郁手整，都幾方便🤣。🌟魚糕湯 ($190)魚糕湯都算豐富，魚糕多到食極都仲有，配菜就有金菇丶洋葱丶蜆丶青口等等。但味道就同一般自己買魚糕，自己用上湯煮嘅味差不多，所以我覺得收190蚊呢個價都幾貴😖。🌟甜米露 ($20)罐裝飲品，正常味道，只係價錢有啲貴🥲。