蘋果木咖啡店 (Closed)

之前見到食評話呢間餐廳有幾唔錯，但係我就覺得麻麻喇首先講下環境先，成間餐廳的面積其實好細，要係枱之間穿插真係幾困難，有時仲會聽到隔離講D咩添。而衛生方面斬令我好失望，雖然枱面的餐具果D都算乾淨，但係就有好多蚊飛黎飛去！ 或者一間餐廳食物先係主打？ 我同朋友黎食dinner，感覺上價錢都算好平，有哂餐湯餐飲，不過可能一分錢一分貨，我覺得質素唔算係太高啦！我地總共要左兩個set share，餐湯方面有雜菜湯同忌廉湯，雜菜湯料都幾足，忌廉湯味道都唔錯每碗湯都會跟番四分一塊牛油方包，不過食落唔脆又唔熱，點湯的味道亦都係怪怪的，對比起法包，方包絕對唔係一個好選擇牛脷意粉，佔唔到牛脷的份量有咁多，望落都幾大件，食落都算幾冧，不過味道就比較淡，唔太吸引，而意粉係扁意黎既，雖然係有炒過，但係食落就偏油，意粉係識反光架  值得一讚的係伴碟配菜好多好靚，味道亦不錯葡汁焗龍脷柳飯，整體都唔算差既，好多汁，食落感覺唔會好漏，因為芝士味唔算好重，龍脷柳的份量亦比我想像中多同大塊，加上好冧，不過同樣地，我最鐘意的都係佢的伴菜，一樣係好多好靚，感覺上係好有心機，都係炒過的總括黎講，呢間餐廳價錢係好平的，不過食物