泰味道

Open Now

Now Closed

雖是工廈，但見餐單和食店環境不俗，專登早啲來試，因為工廈普遍午市非常旺的。十二點十五分到，見到堂食客不多，🤔想多了，怎會知道外賣單多得源源不絕。我廿幾分落單，四十七分有得食，都唔算誇張。午餐$48，我叫了海南雞飯，配特飲加$3，青檸梳打，抵。一送來，喜出望外，個雞的顏色很吸引，感覺肥瘦適中，雞的份量也不少，仲給我雞髀，正啦！這餐跟湯，嚐一口，清清地，接受，好過味精水，👍🏻。雞的肉質算滑，有啲啲咬感，好唔好叫有點韌？但我接受到。不過，雞的製法略欠一點味道，一啲雞味都沒有。不過這價錢已很不錯。醬汁有兩款，其一是正常的酸酸辣辣，非常開胃。但另一居然像豉油，稀的。平時海南雞飯，一般是稠杰略帶點甜味的醬，這醮雞也是一絕。但這裡用這普通豉油就失分了。只好醮酸辣汁。這個餐還送糖水（送完即止），是日係西米露，略甜。但這一餐真的非常滿足了。青檸梳打就非常淡，近水。我都會再試，因為這店午餐還有多款，我都有期望。