NeNe Chicken (東港城) (Closed)

平日入嚟食lunch，做左第一枱客。本來想入嚟食佢lunch set 嘅pizza，但佢話冇，最後果田左兩樣嘢食，海鮮炸醬麵同埋韓式燉雞，食凍檸茶少冰走甜。海鮮炸醬麵整體唔錯但偏咸，都幾足料，有蝦、青口、蜆、年糕、魚餅等等。佢嘅麵唔係韓國拉麵而係扁身麵，食落比較冧但就掛到好多汁，個人都係比較鐘意拉麵比較Q彈嘅口感。韓式燉雞好十足，$182算係咁啦，村料都幾多三椒、雞肉、洋蔥、粉絲、菇、紅蘿蔔絲同辣椒等等。但味道唔乜特別，其實似阿媽平時喺屋企都炒到嘅餸。雞肉係雞脾肉，有用胡椒同鹽醃過，都幾入味冇雪味，但性價比唔算高。凍檸茶茶底唔濃，有微微茶味。成餐飯埋單$324。