九龍香格里拉大酒店大堂酒廊

Open Now

Now Closed

星期四同幾個朋友齊齊請假，去九龍香格里拉食下午茶。今期做緊紅絲絨濃情聖誕下午茶，兩個人$688+1。總括而言幾抵食，鹹點甜點同樣出色，只係scone差啲姐。原味鬆餅及提子鬆餅配自家製果醬及濃縮忌廉Scone係全部黎講最失色個個，唔鬆化，唔夠牛油香，比較腍身。鹹點: 鮮龍蝦配牛油果醬及魚子醬、自家製煙三文魚配蕎麥班戟、鴨肝醬配開心果酥、冬季黑松露烤火雞卷。全部都幾好食，我最鍾意鴨肝醬配開心果酥。甜點: 栗子香橙拿破崙、聖誕紅酒奶凍、黑森林蛋糕、意大利朱古力芝士泡芙。全部都係幾食，拿破崙好酥脆，意大利朱古力芝士泡芙啲cream好滑，奶凍好水潤滑溜，全部甜度剛好，好出色。鮮果拼盤都唔錯。我叫左香格里拉精選茗茶，我覺得比較苦。最後仲送左GLYCEL既sample。