Video
Read full review
2013-03-12
2811 views
食一餐好嘅日本嘢，三幾百喺等閒事，不過，如果你唔喺餐餐都要有要求，想慳慳哋，三幾十一餐日本嘢都唔喺難搵，就連尖沙咀咁貴租嘅地方，都仲有啲咁平嘅午餐。有人招呼，但又唔收加一，價錢同去快餐店相差無幾，位處厚福街尾地庫嘅青葉日本料理，都可以話喺糧尾慳錢之選。原來打算去「唯一」食餈飯、鹹豆漿，但經過青葉，見到佢個易拉架雞乸咁大個字寫住「精選午餐定食 $32up」，貪平所以就望望佢個餐牌，唓！邊有$32個定食啫。不過，最平嘅都只不過喺$36，最貴嘅都唔過$50，包麵豉湯同餐飲，無加一添，抵過晒附近啲美心同大家樂啦！餐廳內裝修幾雅致，不過地方唔喺好大，有少少逼，但有樣好，逢喺4人位都有個木屏風間住間住，雖然對私隱度無乜幫助，但就減少被隔離枱嘅騷擾。餐廳夜晚做放題，日頭有午餐做定食。午餐有兩個餐牌，一個喺由星期一至日，每日供應7款唔同定食嘅「每日精選午餐」餐牌，價錢分別由$36-$42，選擇都幾多元化，有拉麵、烏冬、湯飯、壽司……等等；另一個「精選午市定食」餐牌，由1-13共13款料理，賣$36-$50，而選後者，仲可以用優惠價加配其他嘢，例如：+$5可配野菜沙律（芝麻沙律汁或凱撒沙律汁）、+$8可
原來打算去「唯一」食餈飯、鹹豆漿，但經過青葉，見到佢個易拉架雞乸咁大個字寫住「精選午餐定食 $32up」，貪平所以就望望佢個餐牌，唓！邊有$32個定食啫。不過，最平嘅都只不過喺$36，最貴嘅都唔過$50，包麵豉湯同餐飲，無加一添，抵過晒附近啲美心同大家樂啦！
餐廳內裝修幾雅致，不過地方唔喺好大，有少少逼，但有樣好，逢喺4人位都有個木屏風間住間住，雖然對私隱度無乜幫助，但就減少被隔離枱嘅騷擾。
餐廳夜晚做放題，日頭有午餐做定食。午餐有兩個餐牌，一個喺由星期一至日，每日供應7款唔同定食嘅「每日精選午餐」餐牌，價錢分別由$36-$42，選擇都幾多元化，有拉麵、烏冬、湯飯、壽司……等等；另一個「精選午市定食」餐牌，由1-13共13款料理，賣$36-$50，而選後者，仲可以用優惠價加配其他嘢，例如：+$5可配野菜沙律（芝麻沙律汁或凱撒沙律汁）、+$8可配芝麻八瓜魚及朝鮮螺肉、+$12可配二色刺身（三文魚2件、甜蝦1隻）……等。結果，小弟同老婆都喺晌「精選午市定食」度揀到心水，一個食魚，一個食牛。
鹽燒鯖魚 $37麵豉湯都算OK，麵豉味幾濃郁。而鹽燒鯖魚，外貌都幾對辦，燒得外皮幾脆，簡單有朕鹹鮮味，肉就算唔上上好，但三十零蚊都唔可以太過苛求吧！服務方面，啲侍應都做得幾上心，好似我老婆個飯要求要少飯，費事食唔晒盞嘥，果然嚟到碗飯喺少咗一截。
香蒜牛柳粒定食 $40香蒜配牛柳，對喜歡食肉嘅小弟，自然成為首選。牛柳粒估唔到都有唔少喎，而且，以咁嘅價位，啲牛柳粒肉味不俗，亦帶有蒜香。喺唔多鍾意配椰菜，因為老婆唔多喜歡，佢公司飯堂經常搭椰菜，食鬼到厭呀！另外，啲飯有少少削，少少爛，食得唔夠稱心啫。
餐飲定食所送嘅餐飲，冷熱隨意，唔需要特別加錢，都喺港式茶記嘢同汽水，小弟揀咗杯凍檸賓，老婆就要咗熱檸水，如果散叫價都要成$15、$12架！食飽慢慢飲埋杯嘢先走人，平有平食咁又一餐。
Post
