稻香超級漁港 (南豐廣場) (Closed)

呢個星期六約左中同睇無限之戰早場。咁早起身當然要食番個豐富下午茶補一補。兩點開始下午茶，我地1點10擺飛，好采都係等7張枱就有位(10min度)。優惠下午茶點心紙有十幾款選擇，十拎蚊到廿幾蚊。好似呢兩碟都係十幾蚊碟，幾抵。後面果碟係類似有芝士饀既豆腐丸拎去炸，味道ok，幾新穎。前面果碟係薄罉，煎到少少濃，脆脆地，吾太油，但吾夠熱。呢碟腸粉雖然收廿幾蚊，但真係有鮑魚，每條都有3細粒。腸粉皮算滑但無米香，同埋只係暖既，吾夠熱，應該係多人叫所以整定既。大家食到飽飽，平均每人都係五十幾蚊。如要求吾高，真係幾抵食。