醋娘子 (Closed)

呢一日帶咗內地嘅朋友來香港玩，佢比較鍾意食中菜，揀咗一間價錢比較平民嘅餐廳，佢係位於上環。餐牌嘅價錢比較吸引，好多野都想試，揀唔落手！環境唔算好大，但係幾乎無時無刻都係滿座，轉手得好快。首先叫咗一碟上海生煎鍋貼四隻＄26 煎得非常香口，外皮的口感帶點脆脆的感覺，裏面嘅肉唔算好大舊，份量啱啱好，沾上紅醋，味道唔錯。之後仲叫咗菜肉雲吞＄38，佢係啲一碗嘅形式上，旁邊仲有一些生菜，都好抵食呀！最鍾意呢個雲吞皮薄喊靚，特別係雲吞皮非常之薄，口感滑溜溜的，用心之作。花雕浸醉雞＄48 雞肉的口感比較鞋身，這一點是有點失望的。但是，味道非常之正，醉雞汁味非常之香濃，酒香十足，食到停唔到口。菠蘿雞粒炒飯＄78 呢個炒飯非常之大的，兩至三個人份量吧，菠蘿非常鮮甜，雞肉有雞味，不過肉質比較乾身。飯都炒得幾好食，飯粒粒粒分明同時亦都唔會太乾。價錢非常平民，味道質素又唔錯，值得再來。餐廳有其他辣食，水煮系列、酸辣湯和麻辣一系列⋯⋯鍾意食辣嘅朋友一定唔可以錯過。