一品燒 (Closed)

是日黎旺角食串燒, 見到呢間串燒店好似幾抵食所以試下~ 餐廳係小店, 座位唔多, 但野食有好多款, 而且價錢唔貴~最後Vi點左雞泡魚乾, 蒜蓉燒茄子, 芝心丸, 燒金菇, 麻醬烏冬, 燒菠蘿同蒜蓉燒扇貝~飲品選擇唔多, Vi要左加多寶清下熱~ 呢度出食物出得比較慢, 一樣一樣上, 雖然係慢左d, 但亦岩哂Vi同朋友慢慢坐傾下計, 呢個雞泡魚乾烤得好香口, 食落微暖有咬口, 係好味既小食, 如果送啤酒應該一流~蒜蓉燒茄子好大條, 原條上, 上面佈滿蒜蓉, 茄子肉好林好juicy, 同埋好多蒜蓉味, 燒得剛好, 幾好食~呢個蒜蓉燒扇貝好抵食, 4隻都係$40, 而且size有番咁上下, 幾彈牙又係有好多蒜蓉, 性價比高~而燒芝心丸就不過不失, 芝士好流心, 欣賞佢加左7味粉燒, 小小辣無咁寡~燒金菇又係好大份, 包左錫紙燒, 金菇好爽好多汁, 同埋好香牛油味, 亦加左蒜蓉幾香口, 食食下Vi發覺點左好幾樣野都係蒜蓉味而燒菠蘿就普通, 大大件多汁, 食落好甜, 不過有點燒得太硬~最後既麻醬烏冬好大盆, 麻醬比得好大方, 烏冬係彈牙果隻, 唔錯, 但麻醬味道唔夠濃, 同埋烏冬唔夠乾身~整體呢度