厚福館 (黃埔天地) (Closed)

除左快餐店，厚福館午市亦有推出一人火鍋，價錢一仲D都唔貴。因為我比較早到，所以仲有好多位可以慢慢揀，到左放飯時間，外面就開始見到有人排隊，所以想舒舒服服享受一下就真係要早少少。呢度既一人火鍋係套餐形式，有固定既火鍋料，再選湯底同麵款，仲有一小碟魚皮同一支飲品。價錢亦有平有貴，由70-140左右，如果覺得唔夠仲可以加其他火鍋既配料，可以話做到想「點」就「點」既效果。我就點左牛魔王SET配沙嗲湯，但牛的質素我有所保留，感覺好似放低好耐咁，冇乜血色，睇落唔太新鮮，但食落又唔會覺得太大問題，只是觀感上差左。而麵方面我擇左菠菜麵，可能因為沙嗲味太濃，我其實食唔出菠菜味，不過個沙嗲湯就真係值得讚👍好濃，可以因為咁牛有咩問題都食唔出。另外我仲點左佛跳牆，湯底是固定的，材料方面你仲見到有魚翅，但當然份量唔會多啦，其他食材方面幾新鮮，食得出有口感，湯底幾好飲添，連埋麵一齊食仲幾飽肚，推介一試。我仲另叫左螺片，夠煙韌，值得推介而且性價比高，環境舒適，午餐推介一試。A6手切牛魔王餐：-封牛柳 淋牛頸脊 較韌金錢展 較韌汕頭牛丸 夠爽口生菜 A4足料佛跳牆鮑魚 唔算太細花膠 份量較少螺片 yummy 😋冬菇素