德美壽司 (德民街)

Open Now

Now Closed

雖然呢排好似多番啲餐廳開夜少少，但喺黃埔區，想夜晚9點半後搵嘢食都唔係易事，湊巧經過民泰街附近，被一個個紅噹噹的燈籠吸引目光。呢間食日本嘢的餐廳喺黃埔區內似乎幾有名氣，喺OpenRice亦見熱烈討論，於是就入去幫襯下。壽司盛合約有十貫，分別有吞拿魚、三文魚、池魚、油甘魚、帆立貝、鰻魚、熟花竹蝦、三文魚籽、沢庵卷（即醃漬蘿蔔壽司）。除咗魚類壽司味道有點blank之外，其他壽司味道都算鮮美，我最鍾意係甚有口感的三文魚籽壽司，以及味道幾fresh的沢庵卷。牛油果軟殼蟹卷最愛item！分量多多的軟殼蟹炸得香脆而不硬，配埋香氣十足的牛油果，好夾！大蔥雞肉串燒、帶子串燒除咗壽司、炸物，都叫咗串燒試一試，分別有大蔥雞肉、帶子。兩款食物燒完都依然keep住juicy，抵讚！炸雞軟骨常見的日式炸物，平常發揮！始終都臨近收舖時間，侍應及大廚的服務、上菜、埋單的速度都相當快手。