德美壽司 (德民街)

Open Now

Now Closed

呢間已經開左好多年，小編住喺附近所以久唔久都會黎食下😜 感覺依然幾好😌 能夠堅持咁耐一定有過人之處 ✊🏻食物選擇多又唔貴，質素穩定咁好食😋 一入門口🚪見到有佛像擺設，裝修以深色木🪵為主，亦有可以睇住👀廚師👨🏻‍🍳煮野食既bar枱位甚至有榻榻米包廂可以坐tim，感覺唔錯👍🏻(5 😍 係滿分，🤩係半分）上壽司拼盤A 🍣 - $238 (好味指數：😍😍😍😍🤩)吞拿魚🍣：呢個係赤身，肉多油脂少，但一樣甘甜鮮美，肉多啲唔會覺得油膩～三文魚🍣：夠新鮮，顏色鮮豔，肉質細膩，肥甘味美，肉嫩油豐～池魚：肉質緊實爽口，略帶油香，會比較清新～油甘魚🐟：質感嫩滑，有幾豐富既膠質同埋油分，清爽鮮甜🤤帆立貝⚪️：顏色雪白同埋幾厚肉，質感軟糯帶有啲彈性，味道幾鮮甜～鰻魚：因為有燒汁🔥，所以味道香甜，肉質細緻柔嫩，有啲膠質同油香幾好食😋熟花竹蝦🦐：顏色幾鮮豔，味道幾鮮甜，口感紮實，啱晒唔鍾意生嗰種黏黏口感既人～三文魚籽🟠： 一咬落去就鮮香四溢、充滿魚脂香，幾有層次感～沢庵卷 🟡🥕：沢庵即係醃蘿蔔，酸酸甜甜，質感爽口，用黎做小卷幾清爽玉子🥚：有兩舊印左餐廳🍴名既玉子，蛋香🥚幾出，味道香甜，口感綿密厚實野菜牛肉鍋 🥬🐮🍲

豚肉出奇地好好食😋 用左洋蔥一齊炒，十分入味，肉質唔會鞋口，仲配有飯 、薯仔沙律🥗，抵食又好味！茶碗蒸 都幾滑，但應該冇用高湯蒸，唔夠清甜。雞泡魚乾 ，甜甜地，記得一定要配埋個醬食，用黎送酒一流！牛油果天婦羅🍤卷 ，件件都超大件，配有青瓜，蟹籽，蛋黃醬一齊食咬落去個下，脆脆的天婦羅，炸至金黃酥脆，搭配米飯同牛油果既清新，柔軟滑順，令到口感豐富，好夾！炙燒壽司3 件， 最鍾意帆立貝壽司🍣鮮甜又美味！呢間餐廳唔怪得keep住有客入，價錢貼地質素又唔錯！👍🏻

夜晚有啲懶唔想煮飯, 就喺屋企附近搵嘢食~ 有啲想食日本魚生🥰北海道甜蝦帶子魚生丼 北海道甜蝦三文魚都好新鮮, 帶子好鮮甜~ 成個擺盤色彩繽紛, 擺盤都好吸引😍魚子葱吞拿魚腩丼 魚茸好綿滑，搭配魚子的鹹香，令人停唔到口！ 配埋魚子口感好有層次感～ 食完好滿足😝煎鵝肝帶子卷 滑嫩的鵝肝和帶子配上脆薯絲，口感好豐富, 係驚喜之作~超好食🤩海膽茶碗蒸蛋 蒸蛋好嫩滑, 搭配海膽的鮮味, 味道都幾夾😋個人認為呢間店係黃埔區入邊比較好食嘅日本嘢😋夜晚價錢都唔係好貴! 魚生都好新鮮~如果同朋友嚟聚餐同飲下酒, 都係一個唔錯嘅選擇!

傳統日本家庭式居酒屋晚餐：洋風燒三文魚丼 $98 上星期約朋友去黃埔購物，再在附近食飯。餐廳日式木門，木門上攞放紅色燈籠，就如在日本的街道。一行入去先見到佛像擺設和木酒櫃。室內橫裝都是木為主，例如木座位、榻榻米和木系的單人位。單人座位可近距離欣賞師傅整壽司。刺身丼飯的價位比較平民抵食。可以用親民的價錢在如此好的環境食飯，抵啊！ 🔶️洋風燒三文魚丼 $98 包湯和沙律炙燒三文魚肥美甘香，配上晶瑩剔透的魚籽和青爽的青瓜絲，豐富了口感，能嚐出夏日的滋味。 🔶️上刺身拼盤 $268刺身厚身肥美，超級新鮮。有甜蝦、三文魚、油甘魚 、吞拿魚、玉子、帆立貝

‼️ 日本和風小店‼️·① ［ 野 菜 牛 肉 鍋 烏 冬 ］| 揀咗 稻庭烏冬 ！ 湯底有啲甜甜地，似壽喜燒～都幾多唔同嘅餸！ 幾好食😋 ］𓋪7.5/10•② ［ 甜 蝦 // 洋 風 三 文 魚 // 吞 拿 魚 腩 // 灸燒三文魚 ］｜即叫即切！三文魚的質素不錯～反而吞拿魚正正常常，未去到好出色。|𓋪7/10· 德美壽司 (沙田)沙田沙田圍路9-11號田園閣地下E號舖

今日在黃埔行街，出左商場區域，找到間價錢合理嘅日本壽司餐廳，未食過就入去試試，餐廳內部幾大間，有數張大卡位，其他四人枱也很寬闊，原來隔離還有一間舖位，我六點到都已經有幾枱客。👉海鮮炒飯：用一個鐵鍋承載，食到尾還是熱辣辣，飯用珍珠米，粒粒分明，配料有蝦、魷魚等，份量十足。👉牛油果卷：牛油果卷加上日本豉油原來幾好味。  👉火炙帆立貝壽司：帆立貝大大粒，很新鮮。  👉加州卷同帶子沙律卷：每樣都有4件，份量十足。  👉北寄貝、腐皮、鰻魚三貫，鰻魚多汁很好味，北寄貝很鮮，腐皮甜甜地，全部都是高水準。唔怪得咁旺埸啦。

食過幾間唔同德美壽司分店，唯獨是今次黃埔店覺得個裝修好有日式居酒屋風格🏮淨係門面已經令人眼前一亮🤗🍚三色魚生丼($132) (包味噌湯及沙律)三色魚生包括有三文魚、帶子同埋油甘魚🤗每一款刺身都頗厚切😍而且仲配咗溫泉蛋同埋蟹籽喺面頭🤩最特別嘅係飯底用咗赤醋飯仲有啲菇係入面，就咁食飯都唔會覺得單調😋🍣上壽司拼盤A($238)有吞拿魚、油甘魚、池魚、竹蝦等等😋8件壽司、3件卷物再加甜蛋，食材新鮮! 最驚豔係三文魚子壽司，每一粒都好飽滿之餘味道仲帶點甘甜🤗🥟自家製燒腐皮餃($58)見到呢個好特別嘅小食係用腐皮做既餃子😋一咬勁脆😍仲好爆汁㖭😙推薦👍🏻

今晚去左紅磡果邊買立雜嘢，順便係果附近搵間餐廳食下。見到好耐之前有食過果間德美壽司店仲有係度，即刻入去食先。以前學生時期都好鍾意過去食吓啲日式定食，今次都唔例外。我叫左豚肉生薑燒定食🩷🩷🩷🩷🩷一上菜都係好似以前咁，好大份夠足料。啲燒汁再加埋少少生薑味，炒香左個洋蔥，令到啲洋蔥嘅甜味發揮出嚟。啲豚肉份糧都幾多，同埋幾掛汁，豚味都夠出，又唔韌。同埋我鍾意加埋啲沙律醬一齊食，而且佢再配上薯蓉，拎嚟撈埋啲生薑燒汁超夾又夠滑。同埋有包埋沙律同湯真係好抵食。跟住我哋再嗌咗安格斯牛扒定食🩷🩷🩷🩷🩷佢個份量都好多，同埋佢個牛扒燒得啱啱好，入口即溶而且又夠嫩滑。同埋佢都係有配薯蓉可以俾你撈埋佢啲肉汁一齊食，又有配麵豉湯同埋沙律。我哋仲叫咗個鐵板鵝肝小食，熱辣辣嘅鵝肝配上脆卜卜嘅多士，再加上有少少芝士香味嘅醋汁，完全唔漏好夾個醬汁👍🏻我哋再叫咗一罐可樂同埋巨峰梳打。我覺得值得一試，佢同我幾年前食過嘅質素都係冇變過，依然咁抵食，因為我每次過去食都鍾意叫定食。

是晚來了德民街的德美壽司食日本菜，大概七點多來到，全店滿坐淨下吧枱。店長熱情招呼，仲話吧枱可以同師傅打卡影相🤭先掃曲下單，想食日本菜就梗係為咗壽司啦，睇下點咩好先。⭐德美甜玉子燒打卡專用德美玉子燒，印有店家logo的甜蛋，入口軟綿綿有蛋香，微微甜幾正喎。⭐帆立貝壽司 & ⭐三文魚壽司朋友點咗佢鍾意嘅帶子壽司，另外仲有港人至愛嘅三文魚，大大件魚生厚切，鮮甜肥美🤤⭐牛油果軟殼蟹卷軟殼蟹香脆，配埋牛油果同美奶滋真係好好食！⭐野菜牛肉鍋加烏冬最後仲點咗一款鍋物，牛肉鍋加烏冬，啲牛肉片幾有肉味，烏冬煙韌彈牙，加上甜豉油湯底夠香口，食完暖笠笠啱曬冬天呀。最後仲有甜品送，店員話係奶凍黎㗎😋

講到紅磡有邊間日式餐廳好食，必定大家都會講歷史最悠久嘅德美壽司，呢間餐廳真係我由小朋友開始已經有食過，所以好有童年回憶，最鍾意呢度嘅裝飾有好多木製品，感覺係懷舊日本風，當然飾物亦都好好味啦！！食左咁多年，我已經好清楚自己鍾意食咩，首先一定係佢哋嘅卷嚟，一坐低就即刻叫咗兩樣，就係煎鵝肝帶子卷同帶子天婦羅卷。煎鵝肝好Creamy，加埋帶子好新鮮，一啖咁食落去，口感真係好夾！鍾意帶子嘅，我梗係會叫埋帶子天婦羅卷啦，外面卜卜脆脆，一啖一個，勁好食。熱食我就要咗好啱冬天食嘅野菜牛肉鍋，食完暖笠笠，牛肉亦都唔會，蔬菜亦都好多種類，感覺好健康。另外都要埋個鰻魚炒飯，炒得好入味，入面亦都唔少鰻魚，完全唔會覺得油膩。

【黃埔•德美壽司】@ππππππππππππππππππππππππππππππ主菜是野菜牛肉鍋，湯底清淡卻味道鮮美，搭配新鮮的牛肉和多樣的野菜，讓整體口感更加豐富。牛肉煮至恰到好處，嫩滑多汁，與蔬菜的清新形成絕佳對比，令人食指大動。接下來是刺身盛合，選擇非常講究。吞拿魚、油甘魚、三文魚、帆立貝和甜蝦的搭配，色彩繽紛，鮮度一流。每一片刺身都切得精緻，口感滑嫩，特別是帆立貝的甜味餐廳環境：🔥🔥🔥🔥🔥服務質素：⛄⛄⛄⛄⛄食物味道：🍾🍾🍾🍾🍾性價比：🎟️🎟️🎟️🎟️🎟️消費 HKD 400✨✨✨✨✨✨✨✨✨✨✨✨✨#黃埔美食 #德美壽司 #web3黃埔德美壽司 (德民街)黃埔新村德民街31號地下1B號舖

喺黃埔有一間屹立咗好多年嘅日本菜🇯🇵，淨係睇門口已經feel到古色古香，入面嘅裝修都係傳統日式風格🏮餐牌嘅選擇都幾多，而且價錢唔算貴，性價比幾高👍🏻清酒煮蜆 $75蜆肉每隻都幾大隻，而且份量都幾多，而清酒湯底啲清甜嘅感覺😌仲有少少薑味，好啱開始轉涼嘅天氣飲💨牛油果軟殼蟹卷 $82見到好多枱都有叫呢個軟殼蟹卷🦀就知係必食之選，果然嚟到賣相唔錯，仲好大份，有成隻軟殼蟹咁多，軟殼蟹炸到卜卜脆，加埋牛油果一齊食冇得輸🥑鹽燒三文魚頭 $68三文魚頭即叫即燒，魚肉都好嫩滑，配埋酸酸地嘅醬汁幾開胃🐟納豆海鮮丼 $98第一次見加咗納豆嘅魚生丼飯🙈納豆已經撈埋咗喺啲魚生入面，所以納豆嘅味道都幾突出，魚生都有好多款，有三文魚、白身魚、三文魚子、拖羅等等🐟由於已經調咗味嘅關係，唔使加豉油已經好夠味🤓土佐豆腐 $48好少見呢款嘅菜式，就係將切到一大件嘅豆腐包咗木魚絲拎去炸，配埋一個好似天婦羅嘅醬汁，口感幾特別😆

德美壽司原來在紅磡黃埔新村都有分店 專賣高質素的壽司和日式料理🥳🐷鵝肝帶子三文魚丼呢碗丼飯真係好奢華😂😂 煎到金黃的鵝肝配上新鮮的帶子 下面有三文魚刺身 加埋香噴噴的米飯 每一口都好正🤪🐷煎鵝肝帶子卷這個卷卷絕對係驚喜 外面包住香脆的紫菜 面頭仲有脆脆 裡面有煎得剛剛好的鵝肝同帶子 口感層次多 咬下去香濃誘人 唔食實在對不起自己！🤣🤣🐷安格斯牛扒呢個牛扒煎得剛剛好 肉質軟嫩多汁 再加上特製醬汁 絕對可以媲美高級西餐廳的牛扒 肉味十足🥹.德美壽司📍紅磡黃埔新村德民街31號地下1B號舖.

今日好想食日本野, 去左紅磡一間日式料理! 店內用木系裝橫 , 走傳統日本家庭式居酒屋風格,  有榻榻米坐位弓也有bar枱坐位,仲可以近距離睇住師傅整壽司刺身,   店內環境唔大，但座位都舒適.  什錦天婦羅  $89    炸至酥脆可口，炸粉亦夠薄身兩隻大虎蝦肉質實淨彈牙。另外蝦殼都炸得勁香脆。 和風三文魚沙律  $85  厚厚嘅肥美三文魚, 配魚子, 蕃茄, 沙律菜. 又開胃又好口感牛油果軟殼蟹卷 $82軟殼蟹非常酥脆，配埋牛油果蟹子沙律醬無曬油膩感，勁喜歡份量好大，好食又抵食油甘魚腩有6片，刺身非常厚切&新鮮肥美超級肥美， 感受到勁香嘅魚油鮮味。 讚！鰻魚炒飯石鍋上保持住熱度， 鰻魚份量亦好多。木魚絲鋪面加多一層香味同口感。 珍珠米乾身好惹味。全餐飯都好高質素! 一定會再光顧 !德美壽司(德民街)地址:  紅磡黃埔新村德民街31號地下1B號舖

今晚去左食日本🇯🇵野我和朋友叫左-銀鱈魚西京燒定食。我最鍾意就係食日本西京魚。魚肉滑嫩，表皮帶焦香。調味適中，帶有淡淡的甜味。-德美海膽魚生丼用新鮮的海膽、多種生魚片為主，搭配醋飯。海膽的 creamy 質地，新鮮，入口即化，魚生質量上乘。串燒秋葵-烤制後的秋葵外脆內嫩，外層的焦香與內秋葵的鮮甜。秋葵含纖維、維生素和抗氧化劑，也是一道健康的選擇。Tonight, I went to a Japanese restaurant with friends. We ordered:- Grilled Black Cod with Miso Set Meal：I especially love Japanese miso fish. The fish is tender, and the skin has a nice char. The seasoning is just right, with a subtle sweetness.- Tuna and Sea Urchin Sashimi Donburi：This dish features fresh sea urchin and va