Video
Read full review
2023-09-13
413 views
今日去長沙灣探朋友，之後一齊食晚飯。朋友想食酸菜魚，帶咗我嚟港鐵站對面嗰間「魚你相聚」。聽朋友講，餐廳係由有多年川菜經驗嘅師傅主理，主打平民價錢正宗四川風味菜式，而招牌菜就有酸菜魚、毛血旺同香噴噴煲仔飯。我哋點咗份 2-4 位用嘅大盤酸菜魚，另外再加咗 2 款餐前小食：鹽焗手撕雞同涼拌海蜇。大盤酸菜魚 ($268) 有 4 款魚片可供選擇，包括鱸魚片、生魚片、龍脷柳同我哋揀嘅鯛魚片配檸檬酸菜湯。湯底鮮酸微辣，加上檸檬嘅香味，搶口又醒胃。鯛魚片大大塊，切至厚薄適中，食落啖啖鮮爽，滑溜得嚟又保留到魚肉嘅紋理，不帶半點腥酸，非常入味。配料有闊薯粉、薯仔、海帶、萵筍、豆腐、豆腐皮、大豆芽、娃娃菜、金針菇等，另外仲會跟兩款主食，揀咗手工薯粉同絲苗白飯，薯粉爽滑Q彈，盡吸湯頭精華。2 款小食嗌咗鹽焗手撕雞 ($42) 同 涼拌海蜇 ($28)。手撕雞肉質好嫩滑，食落完全冇雪味，帶陣陣麻油香，加上汁料撈得夠均勻，啖啖肉，很滋味。碟涼拌海蜇味道亦唔錯，條條都晶瑩剔透，食落爽脆又有咬口！另外呢度嘅飲品都好抵，加配價由 $5-$15 不等，點咗杯熱檸茶同紅豆冰咖啡，咖啡味道頗濃，與紅豆拌勻，甜度剛好，值
今日去長沙灣探朋友，之後一齊食晚飯。朋友想食酸菜魚，帶咗我嚟港鐵站對面嗰間「魚你相聚」。
聽朋友講，餐廳係由有多年川菜經驗嘅師傅主理，主打平民價錢正宗四川風味菜式，而招牌菜就有酸菜魚、毛血旺同香噴噴煲仔飯。
我哋點咗份 2-4 位用嘅大盤酸菜魚，另外再加咗 2 款餐前小食：鹽焗手撕雞同涼拌海蜇。
大盤酸菜魚 ($268) 有 4 款魚片可供選擇，包括鱸魚片、生魚片、龍脷柳同我哋揀嘅鯛魚片配檸檬酸菜湯。湯底鮮酸微辣，加上檸檬嘅香味，搶口又醒胃。
鯛魚片大大塊，切至厚薄適中，食落啖啖鮮爽，滑溜得嚟又保留到魚肉嘅紋理，不帶半點腥酸，非常入味。
配料有闊薯粉、薯仔、海帶、萵筍、豆腐、豆腐皮、大豆芽、娃娃菜、金針菇等，另外仲會跟兩款主食，揀咗手工薯粉同絲苗白飯，薯粉爽滑Q彈，盡吸湯頭精華。
2 款小食嗌咗鹽焗手撕雞 ($42) 同 涼拌海蜇 ($28)。手撕雞肉質好嫩滑，食落完全冇雪味，帶陣陣麻油香，加上汁料撈得夠均勻，啖啖肉，很滋味。
碟涼拌海蜇味道亦唔錯，條條都晶瑩剔透，食落爽脆又有咬口！
另外呢度嘅飲品都好抵，加配價由 $5-$15 不等，點咗杯熱檸茶同紅豆冰咖啡，咖啡味道頗濃，與紅豆拌勻，甜度剛好，值得一試！
Post
