大川滬 (Closed)

平時好少去土瓜灣 又多大車同旅遊巴 如果唔係去搵朋友應該唔會去 但呢間係土瓜灣嘅大川滬 令我對呢個地方有少少改觀 原來土瓜灣除咗旅遊巴周圍泊之外仲有好西食！😍餐廳嘅氣氛都好好 老闆員工都好nice 同客人都好多互動 好有人情味嘅感覺 可以話係係香港碩果僅存充滿人情味嘅餐廳我地嗌咗幾個送 都好滿意同滿足！小籠包 係我呢排食過最好食嘅小籠包！ 入面嘅湯汁好味 名副其實嘅皮薄餡靚 芥末冰鎮秋葵 爽口開胃 係夏天食都幾適合~ 😍椰子雞湯 好濃雞味 感覺似煲咗好耐嘅濃郁雞湯 好有誠意👍🏻京蔥炒豬肉片味道幾出色，肉片食落去唔會韌，調味方面落咗好多苦工，食得出蔥花嘅香味之餘味道唔會太濃冚過肉味，章玉片夾埋蔥一齊食又幾清新喎麻醬雞絲粉皮好難得喺街度食到一個雞絲粉皮係咁多醬！好開心呀因為我係一個好鍾意芝麻醬嘅人！而廚師好明顯係有細心揀過啲雞絲，食落去唔鞋！真正大愛❤佢嘅價錢都幾合理 仲有好多選擇 又有套餐 又有晚市客飯 餐牌簡單易明 👍🏻👍🏻