Foodhall by Moon Thai

Open Now

Now Closed

呢間 Foodhall by Moon Thai，原本係上環連續 5 年攞米芝蓮推介嘅 Moon Thai，而家搬咗去牛頭角，離地鐵站只係幾分鐘路程，真係超方便！一入到去，呢度嘅環境大到有啲誇張，仲有開放式廚房，乾淨企理。我同三個朋友叫咗好多嘢食，真係樣樣都幾好味：🍢 沙嗲羊肉串燒 $58 羊肉冇羶味，燒得夠香，點啲沙嗲醬更正！🍤 蝦炒金邊粉 $128 份量算多，金邊粉炒得乾身有鑊氣，甜酸味啱啱好，配料豐富。🥘 泰式滷水豬手 $168 豬手軟腍入味，豬皮嫩滑，配秘製醬汁，味道再提升！🍗 泰式烤雞 $128 半份烤雞已經夠 4 個人食，配上酸甜泰式醬汁 #好食！🍖 泰式羅望子燴羊膝 $258 酸甜醒胃嘅羅望子平衡咗羊肉嘅味道，呢個羊膝值得一試。🍛 靑咖喱豬肉 $148、煎薄餅 $25 青咖喱唔算辣，份量夠大，煎餅香軟！🍨 芒果糯米飯 $88、班蘭椰汁千層糕 $58 芒果清甜，糯米飯椰奶香濃，班蘭椰汁千層糕口感煙韌。