麻王 (Closed)

呢間餐廳平民價錢可以食到水準唔錯嘅食物，份量仲夠多主要做外賣，亦都有四個座位堂食。選擇相當豐富，揀左▶️ 口水雞呢個都幾辣，而且辣得來幾香，雞肉尚算唔錯，有蔥花、辣椒等配料。▶️ 酸菜肥牛 呢個真心推介！酸菜味夠香，而且非常足料！肥牛非常之多，超級抵食，辣得來有有麻香。▶️ 紅油抄手雲吞夠爽口，大大粒。又係充滿辣油，幾好食！▶️ 自選配料薯粉由於都揀咗幾款辣嘅食物，所以薯粉揀咗豬骨湯。薯粉煙煙韌韌，味道幾好。配料揀左豆腐、墨魚丸、魚皮餃、萵筍，真係食到飽飽。