牛知己 (Closed)

今日又做孤獨的美食家，派左消費券午餐食豪少少，走黎牛知己食火鍋，上網睇過有d午餐任食套餐幾抵就黎試試。黎到睇下餐牌就同之前網上介紹既有唔同，以前係有料理再加飲品任飲同雪糕任食，而家轉晒做火鍋套餐。中午時間黎到都無乜客，計埋我都係4枱客左右，店內環境都算細，1個人都坐到張4人枱好舒服，服務員態度都唔錯，主動開多部冷氣俾我話涼d，值得讚。點左個韓式雪濃湯底，牛肉就一碟不是任食，但都有超過十小塊，揀左牛肩肉比較有肉味，瘦得黎都有d油脂，用黎火鍋就最好，雪濃湯底都幾清甜，其他配料就自助任食，食幾多拎幾多不要浪費食物，配料都係d平價野，丸類得龍蝦丸，貢丸同墨魚丸，其他都係蔬菜類，想食主食有烏冬，公仔麵同飯都有，不過個人意見個烏冬唔多好食。另外仲有汽水任飲，唔想飲汽水仲有椰水同烏龍茶，仲有啤酒tim，不過食完仲要開工就唔好飲酒啦。雪糕又係任食，不過今日得一隻味咖啡味，食飽火鍋食返杯雪糕結尾。整體黎講cp值幾高，幾十蚊就可以食火鍋同任飲飲品同甜品，雖然過配料唔係高質但一分錢一分貨，夠平民價，環境同服都唔錯，可以返食。