肉肉強食 by 鋒膳 (Closed)

宜家都好少傳統式餐廳專門鋸扒，今日經開長沙灣地鐵站見到有間樓上舖，同屋企人齊齊去開餐。 張檯布都係用格仔，好有傳統式嘅感覺。 吉列豬柳係採用日本宮崎快樂豬，每日限量50份，而且只係$20咋，豬柳好大塊，金黃色豬扒炸到又香又鬆脆，非常吸引！ 芝士漢堡個包好熱好香脆，牛肉好厚好juicy。 美式什扒好豐富，有豬、牛、雞，又有腸仔、煙肉。跟餐有羅宋湯／忌廉湯，牛油餐包、餐茶同埋雪糕甜品。 西冷牛扒好大塊，並採用紐西蘭Affco牛肉，呢度啲肉全部都唔會用鬆肉粉同食粉醃製，啲肉仍然保留原汁原味，以88蚊價錢嚟講，質素相當唔錯 性價比高，非常抵食。