Spade by Lassana (Closed)

雖然住得都算近油塘，但係都好少黎大本型商場，今次約左姑姐食晚餐。黎到油塘地鐵站，企係車站內見到出面日落既景色真心覺得好美。(可惜無影相)唔知食咩晚情況下，揀左呢間餐廳。夜晚7點左右冇咩人，可以揀個靚位坐，餐廳對住大玻璃，景觀開揚。有啲想食熱香餅所以揀左呢個set但買完之後，見到廚櫃上有All day breakfast餐牌，有點後悔冇睇清楚😫。(其實啲餐牌有啲亂，如果可以整一本menu就可以方便睇，因為門口又有d餐，收銀位又有d餐，廚櫃上又有d餐，可能成日轉餐牌內容吧)買完之後佢會俾個號碼牌你，然後會將食物送到枱上。炒蛋好滑，但冇咩味道🍳熱香餅加豬枊加埋蜜糖🍯有少少似m記的味道😍煙肉唔太硬，但油左少少傾傾下計係時候食甜品，叫左個細既焦糖芝士蛋糕🧀，上面有一層脆脆的焦糖，烤到金黃色，但有少少燶，食落去有啲苦。味道有好香濃既芝士味，好滑，唔算好甜，亦唔會太膩。就算1開2，餅底都唔會散開。