C3 (Closed)

好耐以前朋友帶過我黎食，印象中價格好親民。工作關係今日要係體育館附近搵野食，就諗起不如再試下佢。星期六嘅晏晝已經好多人，坐滿人出面仲有人等緊。好彩我去之前已經打左去外賣自取，職員話要等20分先攞得，咁我去到就已經即刻攞得。啲餐就分別分左3個range,平啲嘅就$48，中價位就$62，貴啲就$88-$108。打去個時職員話有1,2樣野都無晒，最後就叫左四川麻辣煙鴨胸意粉🍝($62)。$62呢個價錢已經包埋餐湯，蒜蓉包同埋飲品。🚩磨菇湯+蒜蓉包可能外賣左一段時間，蒜蓉包就已經唔係好脆磨菇湯就淡左少少🤏🚩四川麻辣煙鴨胸意粉💓外賣就自然賣相唔好架啦，食落去辣辣地又幾得意，煙鴨胸加埋啲濃味辣汁同意粉，呢個組合相當夾好有驚喜。