越滿 (Closed)

是晚放工約左中同食晚飯聚舊我地今晚想食越南野，而大家返工地點又係荃灣沿線，就揀左中間點既旺角既越滿。越滿都幾易搵，出左地鐵站後行兩個字就到。黎到餐廳，見到餐廳既環境不大，裝潢簡潔，冷氣好足。其中一碗湯河就揀左越南特色既越滿和牛湯河（＄118）嘩，一上枱，俾佢碗嚇親，因為好大下呢碗河粉既材料好足，有日本和牛，澳洲和牛，和牛牛舌，美國牛小排，牛丸。和牛薄切，入口好有牛味牛丸好彈牙，好有咬口河粉量多。小食揀左軟殼蟹米紙卷（＄48）軟殼蟹外脆，仲有蟹膏添生菜青瓜清鮮爽口米紙夠煙un夠薄本來想揀海防蕃茄大頭蝦蟹肉湯檬架，但賣曬，唯有叫左燒雞湯檬（＄78）。燒雞另上，份量多，雞肉有啲越南香葉既香味，肉質都幾嫩，唔鞋而個湯檬，個人覺得比較似幼麵多啲湯底幾清甜，啲湯檬都幾彈牙飲品方面，我揀左青檸蘇打（＄32）原來係罐裝既，味道較為淡口中同既鹹梅蘇打（＄32）佢話味道都ok，梅味唔錯下次要試返個海防蕃茄大頭蝦蟹肉湯檬