Video
Read full review
2018-05-17
245 views
從網上得知，旺角開佐一間「鬧市中的秘密花園」，由於位置夠方便，而且這類型的餐廳，香港的確比較難找到，於是便膽粗粗打電話黎留位，估唔到又比我Book到wor！餐廳位於旺角廣華街，絕對是鬧市中的鬧市，經過門口會看見一隻大大既蟹作為餐廳的標記，看見這隻蟹，你就會知道你來對地方了。說它是「鬧市中的秘密花園」，其中一間原因就係因為餐廳真係好細間，走進餐廳，會看見一張8人長枱，然後便沒有然後了.... 所以基本上無訂位既朋友都只能夠望門輕嘆，而我地今日黎到既時候都已經fully book，8個座位都座無虛席，有一d想walk in既客人都真係無得食。打開餐牌，價錢可以很平民，亦都可以食得好豪，最平既炒飯定食套餐 $118 已經有交易，而最費既料理長盛則索價 $698，當然，$698既套餐包既野真係好多，係一個8個course既套餐。最後朋友就點佐一個空氣盛，而我自己就食佐個三色丼定食。三色丼定食 $198定食配有三個course，包括前菜，蟹肉味噌湯，和三色丼飯。首先來到的是前菜和湯。前菜係櫻花蝦胡麻醬豆腐，豆腐凍凍地而且好滑，配上胡麻醬夠哂醒胃。而蟹肉味噌湯真係有成隻蟹爪一齊去煮，而且已經去殼，
餐廳位於旺角廣華街，絕對是鬧市中的鬧市，經過門口會看見一隻大大既蟹作為餐廳的標記，看見這隻蟹，你就會知道你來對地方了。
說它是「鬧市中的秘密花園」，其中一間原因就係因為餐廳真係好細間，走進餐廳，會看見一張8人長枱，然後便沒有然後了.... 所以基本上無訂位既朋友都只能夠望門輕嘆，而我地今日黎到既時候都已經fully book，8個座位都座無虛席，有一d想walk in既客人都真係無得食。
打開餐牌，價錢可以很平民，亦都可以食得好豪，最平既炒飯定食套餐 $118 已經有交易，而最費既料理長盛則索價 $698，當然，$698既套餐包既野真係好多，係一個8個course既套餐。
最後朋友就點佐一個空氣盛，而我自己就食佐個三色丼定食。
三色丼定食 $198
定食配有三個course，包括前菜，蟹肉味噌湯，和三色丼飯。
首先來到的是前菜和湯。
前菜係櫻花蝦胡麻醬豆腐，豆腐凍凍地而且好滑，配上胡麻醬夠哂醒胃。
而蟹肉味噌湯真係有成隻蟹爪一齊去煮，而且已經去殼，方便食用，飲落個湯好鮮甜，好好味。
三色丼飯 真係有三碗小飯分開上，包括三文魚子，松葉蟹肉，同埋海膽丼飯，可說是各有特色。
三文魚子唔算得上係爽口，但係食落真係好重三文魚既魚油味，加上餐廳辣辣地既特色醬油，真係好正。
而且佢每碗丼飯既白飯唔算好多，但係餸料就爆多，所以特別滿足。
海膽飯既海膽，同樣爆滿，而且佢地既海謄夠新鮮，唔會臭唔會腥，陣陣既鮮甜味令人十分回味。
松葉蟹肉既份量更加誇張，同白飯既比例大約係3:2，全部蟹肉就好似細細個爸爸幫仔仔拆肉食一樣，帶有人手拆肉之感，絕對係帝王享受，而且蟹肉好鮮甜，並唔係冰鮮既貨色。
本身我個套餐係無包到甜品既，但係因為朋友那份有，餐廳既店員竟然話俾埋我食，呢個真係夠哂surprise，佢地既紅豆湯做得好濃好杰，甜度夠哂，食完真係由心甜出黎。
平時去旺食食飯都總感覺比較簡單比較快，實在估唔到旺角呢個鬧市都可以搵到一間咁enjoyable既餐廳，下次一定會約埋朋友再試。
Post
