校長燒肉日韓料理 (沙咀道) (Closed)

講到荃灣較為平民化嘅燒肉加火鍋放題，首選校長燒肉。晚市堂食都係二百零蚊位，同家姐一家四口由外國返香港，佢哋話好想試吓香港嘅燒肉店，首選校長燒肉，仲有埋火鍋，啲姨甥仔開心到不得了，不停話好味😋講真燒肉及火鍋品種都有好多選擇，而且仲有熟食，真係可以食到飽，職員換紙嘅速度又快，一晚換幾次都冇問題，重點係用紙隔住燒食物冇咁易燶同黑晒。今次除咗燒肉類🥩外，其實係想燒魷魚🦑同多春魚，因為用紙隔住燒，可以慢慢燒不黏底，真係好正！而且仲有刺身食添呀！有三文魚，北寄貝，螺肉同吞拿魚，好味！校長燒肉真係又平又抵食，燒肉加火鍋雙重享受！