Seafood Stand (Closed)

食burger就食得多，但如果食好少少閒閒哋都要成百蚊一個套餐， 好彩俾我搵到一間喺尖沙咀 嘅餐廳， 主要食burger， 但價錢比出面差唔多平一半，地點又好就腳。我叫咗個鰻魚汁豬堡餐， 原來鰻魚汁同豬柳個味係咁夾， 加上豬柳漢堡好厚肉 ， 都只係買55蚊，性價比極高。男朋友叫咗安格斯牛堡 ，賣相非常吸引，我都忍唔住偷食咗幾啖 。牛肉亦都係厚身，牛味好重，芝士好多， 成個牛肉都cover曬😚😚😚。我哋仲另外嗌咗個小食- 炸白菌 ，味道絕對比美某間美國連鎖餐廳。 食到最尾嗰粒 ，我仲要同男朋友爭食㖭🤭🤭🤭🤭。