Video
Read full review
2021-12-02
725 views
今日又去咗荔枝角Office做嘢，同事帶咗我落去香工搵食，跟住佢左轉右轉再出返大街，原來佢帶我嚟呢間町町丼丼。呢位同事果然冇介紹錯，而家做緊六五折，折咗之後真係好平好平！買完外賣攞上Office慢慢嘆。我就揀咗汁燒鰻魚丼，鰻魚大大件，另外仲配咗玉子，而且飯嘅份量都相當多，平時出面食個鰻魚飯都唔平，呢個價錢真係好抵食。而呢個日式咖喱吉列豬扒蛋蓋飯簡直係誠意之作，有咖喱汁有滑蛋有豬扒都只不過係$52。或者因為佢係外賣專門店嘅關係，所以佢嘅外賣客都特別貼心，同一個食物盒入面已經可以做到吉列豬扒另上，確保客人攞到返公司打開嚟食都仍然能保持住堂食嘅口感同質素。吉列豬扒大大件，又唔會有太多肥膏，值得一讚。日式咖喱蛋蓋飯淨係咖喱汁都已經夠晒撈飯，日式咖喱香而不辣，配合滑蛋一齊食真係簡單而美味。另外我哋仲揀咗小食，唐揚炸雞配黑椒蛋黃醬嘅雞份量都唔少，而且仍能保持肉汁，配合蛋黃醬就更有風味。七味唐揚池魚就係我嘅至愛，所以我都點咗呢個小食，估唔到個份量相當多，簡直好似五餅二魚咁食極都唔完，一路食一路喺度諗，如果呢一刻有杯啤酒就更加完美啦！呢個份量其實已經足夠四人共享，能夠喺荔枝角覓食真心抵！原來用QR c
呢位同事果然冇介紹錯，而家做緊六五折，折咗之後真係好平好平！買完外賣攞上Office慢慢嘆。
我就揀咗汁燒鰻魚丼，鰻魚大大件，另外仲配咗玉子，而且飯嘅份量都相當多，平時出面食個鰻魚飯都唔平，呢個價錢真係好抵食。
汁燒鰻魚丼
$49
11 views
0 likes
0 comments
或者因為佢係外賣專門店嘅關係，所以佢嘅外賣客都特別貼心，同一個食物盒入面已經可以做到吉列豬扒另上，確保客人攞到返公司打開嚟食都仍然能保持住堂食嘅口感同質素。吉列豬扒大大件，又唔會有太多肥膏，值得一讚。
日式咖喱蛋蓋飯淨係咖喱汁都已經夠晒撈飯，日式咖喱香而不辣，配合滑蛋一齊食真係簡單而美味。
另外我哋仲揀咗小食，唐揚炸雞配黑椒蛋黃醬嘅雞份量都唔少，而且仍能保持肉汁，配合蛋黃醬就更有風味。
七味唐揚池魚就係我嘅至愛，所以我都點咗呢個小食，估唔到個份量相當多，簡直好似五餅二魚咁食極都唔完，一路食一路喺度諗，如果呢一刻有杯啤酒就更加完美啦！
七味唐揚池魚
$38
2 views
0 likes
0 comments
原來用QR code訂餐外賣自取更有六折優惠，真係更加抵上抵！
Post
