鄰居 (Closed)

行下行下肚子餓，又唔想食快餐。結果俾我地搵到尼間「鄰居」，漢堡價錢合理，但是食落好好好味！每個包都係即叫即整，非常新鮮，而且夠曬熱，漢堡要熱先好食!「大烤菇牛肉漢堡」牛肉口感岩岩好，夠厚又唔會乾，充滿肉汁同肉味。大烤菇咬落直情爆曬汁，配埋個麵包，食落啖啖都係料，個調味岩岩好。「雙蘑菇黑松露芝士漢堡」黑松露醬岩岩好，咬落聞到好香既黑松露，食完個口都仲有餘香。芝士溶左有拉絲，每口都有好香既芝士，加埋黑松露既香味，個口感好多層次。仲有一定要加$18升級做套餐，因個雙色薯條好好食，係薯條同蕃薯條，薯條夠脆又夠厚身，蕃薯條咬落甜甜地。食完想再食！！！