Season Plus (Closed)

難得過海黎到觀塘，梗係要食好啲先對得住自己喇！帶左家姐去食Season Plus，因為佢同我一樣最鐘意就係食生蠔同海鮮！先揀左幾款生蠔，有愛爾蘭石蠔，好肥美大隻呀，又鮮甜！之後就法國吉拉多生蠔，稍為瘦過愛爾蘭少少，而且海水味好似重啲，都係新鮮好味！美國中碼生蠔話就話中碼，但都幾大隻喎！反而4隻南非生蠔就比較參差，同埋味道普通！跟住黎左客加拿大海膽刺身，一向都鐘意加拿大嘅海膽，因為好甜好厚肉，果然一客裏面嗰兩件海膽刺身，真係好好食，好甜呀！然後又叫左個巴馬火腿盤，有三種火腿，包括帕爾馬火腿，伊比利火腿同莎樂美腸！三種火腿都咸香十足，肥瘦均勻，愈食愈上癮！咁少野食梗係唔夠喇，加多左個海鮮拼盤，再散叫左日本磯煮鮑魚同加拿大翡翠螺！呢盤海鮮真係誇張地大同抵食，足足一隻龍蝦，啖啖肉又新鮮！加上好多蜆同青口，隻隻有肉又肥！螺肉同蝦肉又係好結實，好爽口！相比下，鮑魚就比較un！最後叫多隻芝士黑松露焗大蘑菇，一上枱勁香嘅黑松露味，加埋拉絲芝士，而且大蘑菇燒完都仲好多汁，真係好味到極呀！本身我地未到七點去到，得幾枱客，到我地八點幾望一望時，幾乎全場就爆客，真係唔難理解，因為價錢平民，食物質素又掂，自然多