心夜來潮 (Closed)

約左媽媽食飯，就我放工地點。地點位於旺角中心對面，相當方便。裝潢行簡約路線，光線充足。點了兩餸一湯一炒飯，上菜速度都快手。白果胡椒豬肚湯 $88內有蘿蔔，重胡椒味，辣!不過好好飲，嚐辣者一定鍾意，而且豬肚、蘿蔔夠林又入味。媽媽大讚，飲了好幾碗!!傳統鴨蛋煎蠔餅 $86另外媽媽都大讚這個，有別於一般的潮州打冷鋪頭，粉槳恰到好處很鬆脆。蠔很多粒，每啖都可以食到蠔。餅做得香脆可口，仲有三款醬給你蘸。醬鹵鵝 $132其他太出色，所以這個略為遜色少少，略肥和味道比較淡，但鵝肉底有鹵水豆腐吸哂精華加鹵水汁，又加返分。櫻花蝦欖菜肉鬆炒飯 $68香口有鑊氣，趁熱食好好味。每粒飯都粒粒分明，有咬口，而且很入味，內有翠玉瓜、香蔥、蛋加埋一齊食，可剔去油膩感重口味人士一定鍾意。