板長壽司 (Closed)

對於板長，我一向都俾好高評價。一黎係佢好新鮮，二黎係佢唔算貴。今次係去試新野，挑戰點樣可以最平咁食飽兩個人。壽司一定唔少得，一開始牡丹蝦壽司同埋火炙芝士三文魚壽司食起。呢個係我每次都一定會叫嘅壽司，可以講係我的最愛。之後order左鹿兒島火炙和牛赤醋壽司，呢個我都係第一次食，食落口嘅同平日食嘅牛肉口感有唔同，呢隻係好juicy，而且佢又唔係話燒到熟晒，仲會有陣牛香。所以有再叫多一碟食。因為今餐未食菜，所以叫左枝豆，佢價值都唔算貴，自己買返屋企食都差唔多價。食完呢三樣野，基本上兩個人都有七成飽，叫左個烏冬食，完全冇諗過個烏冬咁彈牙同埋腐皮超入味，咬落去吸晒D湯，好正！平平地就可以食到壽司，仲食得飽，板長係一個好選擇。