一哥點心 (Closed)

今日去左元朗教育路戈邊搵野食，呢幾日多左吾少價錢經濟又新式既點心店，黎左呢間系因為某個好出名既艾豬用戶推介，相信質素有保證。環境吾大，不過枱同枱之間既距離算遠，確保有充足既私人空間對一間食店黎講絕對系一個優勢。金錢肚大大舊咁，再加上超多既沙嗲汁，味道十分濃郁，汁吾會好稀系潔潔地，拿捏得幾好，金錢肚有咬口，吾會系硬掘掘。芝士蝦春卷系今餐既主角，6大件勁多芝士既春卷，好邪惡呀，不得不提既一定系個芝士拉絲既長度可以去到最少一把間尺既長度😱入面既蝦亦幾新鮮。紫薯流沙煎堆仔，講真，真系冇乜紫薯味，不過煎堆既脆同埋入面流心既奶皇系好吸引不禁影一影個特寫。帶點期待既小籠包就似乎爭啲喇，個皮好似微波爐岩岩叮完出黎咁入面既湯亦吾多⋯⋯味道就還可以吧。