櫻花樹下 (Closed)

櫻花樹下喺新北江都非常出名，搬咗舖之後地方大咗，光線光猛咗，食物總類都多咗好好多。一直都未有時間去試，今日終於得閒收工去食翻次。鰻魚丼飯原條嘅鰻魚，加上大概一碗飯，賣相都好簡單。鰻魚整得都算好食，味道唔會太硬，肉質比較彈牙，都冇好明顯嘅硬骨。醬都唔會太鹹，撈埋飯食啱啱好。壽司盛A壽司盛唔算好貴，但係款式好多，材料新鮮度都好高。帶子都幾甜，魚類嘅壽司都唔會有腥味，cp值真係好高！鐵板一口牛牛就比較遜色，比較硬身同乾。牛味雖重，但係口感一般。但係喺天水圍同類嘅食肆之中，CP值超級高！