小平津 (Closed)

諗住去登龍街食日本野，地鋪主要都係拉麵為主，朋友提到永光中心有好多好野食，望望水牌記起好似有朋友介紹過有間日本野唔錯，於是上左8樓試試。餐廳燈光比較暗，想營造日本居酒屋既感覺。一入到去餐廳我就想去個廁所，服務員都有即刻指個廁所位置俾我知。而且服務員好細心，會主動不停加添熱茶。我見刺身都係平民價錢，有個雜錦既七塊都係兩百幾蚊。我同朋友今次比較餓，主要叫壽司、卷物食—牛油果軟殼蟹卷物。串燒都有好幾款選擇，不過兩個人我地淨係叫左煙肉荔枝串同埋炸雞翼。賣單後，服務員話仲有甜點送，係朱古力同埋雲尼拿雪糕。